মোৰ দেশৰ নদীখন......

মোৰ দেশৰ নদীখন তুমি দেখিছানে নাই ?

সন্ধিয়াৰ হেঙুল বৰণে বাৰু

তোমাক বৰ্ণিল কৰিছেনে নাই ?

অক্লান্ত নাৱৰীয়াৰ গীতৰ কলিয়ে

নিশাক আদৰা দেখিছানে নাই ?

ভাগৰুৱা দেহাৰে কোনোবা গধূলি তুমি

নৈৰ বালিত এখন্তেক বহি জিৰাইছানে নাই?

ধূসৰ গধূলিৰ ধুৱঁলী-কুৱঁলীত

কাৰোবাৰ চিনাকী বিছাৰি পাইছা নে নাই ?

নদীৰ সিপাৰৰ পৰা ভাঁহি অহা বাঁহীৰ সুৰে

কেতিয়াবা আমনি কৰিছেনে নাই ?

লুইতৰ বুকুত তুমি সন্ধ্যাৰ আকাশৰ

প্রতিবিম্ব পৰি ৰোৱা দেখিছানে নাই ?

সোঁৱৰণীৰ প্রকাশে সেই নদীৰ পানীবোৰ

জিলিকাই তোলা দেখিছানে নাই ?