কেতিয়াবা মোক তুমি বেয়া পাবাছোন

কেতিয়াবা মোক তুমি বেয়া পাবাছোন…

মোৰ অভিমানবোৰক সদায়ে প্রশ্রয় নিদিবা,

মাজে-মাজে মোৰ অভিযোগবোৰ আওকাণ কৰিবা,

মোৰ সকলো কথা নুবুজিবাছোন তুমি ;

বুজিলেও কেতিয়াবা নুবুজাৰ ভাও জুৰিবা…

মাজে সময়ে মোৰ ভূল ধৰিবা -

নানান অজুহাত দেখুৱাবা মোৰ পৰা আঁতৰি যোৱাৰ

আৰু মোৰ অস্তিত্বক অৱহেলা কৰিবা…

মোৰ তেজ-মঙহ-ধমনী-শিৰাবোৰক জীৱিত হোৱাৰ অনুভূতি দিবাছোন,

কেতিয়াবা মোক তুমি বেয়া পাবাছোন…