শ্যামল বিটপীৰ শীতল ছাঁ

শ্যামল বিটপীৰ শীতল ছাঁ

ৰিব-ৰিব বতাহৰ জুৰণীয়া বা,

সৰুপথাৰৰ উদ্যম নে চিলাপথাৰৰ ধান

পাহাৰৰ স্নেহ আৰু ভৈয়ামৰ মান ।

ভূপেন্দ্রৰ মনালিছা লিঙদৌৰ দেশ,

নে জয়ন্তৰ প্রেমিকাৰ শুৱনি প্রদেশ ?

নীলাভত আছে লুকাই চিয়াঙৰ ঢল,

দেখিছোঁ তাতে মেঘনাৰ সলিল নির্মল ।

সেউজ পৰ্ণ সৰলৰ প্রাণৱন্ত আশা,

ৰক্তিম স্কন্ধীৰ বিপ্লবী ভাষা ।

নিসৰ্গৰ সৃষ্টি অপৰূপ শোভা

শ্যমলীমাৰ বুকুত দেখোঁ সমৃদ্ধিৰ আভা ।