কিয় ?

বৰষাসিক্ত এটা গধূলীৰ ছায়াঁৰ আঁৰতে 

সাচি থৈছিলোঁ মই বহু প্রশ্ন….

প্ৰভঞ্জনত ককবকাই পৰি আছিল ইমানপৰ

এন্ধাৰৰ কোনোবা গুপুত কোঠালিত….

কিয় ইমান অশান্ত মোৰ মনৰ নদী ?

জানো মই নাই কোনো বন্দৰ আজি…

অস্থিৰ ঢৌবোৰে কিয় কৰে উন্মনা ?

সপোনবোৰ ন কৈ কিয় আহে সাজি কাচি ?

এটা পাহৰি যোৱা আবেগৰ আহ্বানত

ধৰফৰাই উঠে কিয় মোৰ আকুল হৃদয় ?

অথর্ব মাদকতাবোৰে ঘূৰণী বতাহত

হাবাথুৰি খাই আজি আনিছে পাহৰা প্রণয় ।

কিয় মই বুজাব পৰা নাই তোমাক

চিনাকী প্রশ্নৰ সত্য সাৰাংশ ?

কিয় মই নুবুজো, কিয় মই নেদেখোঁ

কিয় মই নাপাওঁ আজি বৃষ্টিৰ স্পর্শ ?

তুমিতো জানিছা, তুমিতো বুজিছা…

হ’লেও কিয়নো ভাবিছোঁ আজি ?

নীলাকৈ নদীৰ নীলাভ বুকুৱে আমন্ত্ৰণ কৰিলে 

হঠাতে তুমি যদি যোৱা আঁতৰি ?

কিয় মই বিচাৰোঁ বাৰিষাৰ ঢলত

মচি দিয়া দিনবোৰৰ চিনাকী ছবি ?

কিয়নো লাগিছে ইমানকৈ আপোন যেন